ಸಾಮಾನ್ಯ ಜನಜೀವನ ಇಂದು ಯಾಂತ್ರಿಕತೆಯಿಂದ ದುಸ್ತರವಾಗಿದೆ ಎಂದು ಇನ್ನೂ ಮಾತನಾಡುವುದರಲ್ಲೇ ಕಾಲಕಳೆಯುತ್ತಿರುವ ನಮಗೆ, ಇಂಟರ್ನೆಟ್ ಬದುಕೂ ಕೂಡ ಮತ್ತಷ್ಟು ಜಂಜಾಟಗಳಿಂದ ಕೂಡಿದ್ದು, ಅರ್ಥಮಾಡಲಿಕ್ಕಾಗದಷ್ಟು ಕ್ಲಿಷ್ಟವೂ ಆಗುತ್ತಿರುವುದು ಇನ್ನೂ ಎಲ್ಲರಿಗೂ ಮನವರಿಕೆಯಾಗಿಲ್ಲ. ನೂರಾರು ಸಮುದಾಯ ಕಟ್ಟುವ ವೆಬ್ಸೈಟ್ ಗಳು ಇತ್ಯಾದಿ ದಿನದಿನಕ್ಕೆ ಬೆಳೆಯುತ್ತಲೇ ಇದೆ. ಇಂಟರ್ನೆಟ್ ಜನರಿಗೆ ಹೊಸ ಜಗತ್ತನ್ನು ತೋರಿಸಿದಾಗ ಇದ್ದ ವೈರಸ್, ಮಾಲ್ವೇರ್, ಪಾಪ್-ಅಫ್ ಇತ್ಯಾದಿ ತೊಂದರೆಗಳು ಇಂದು ಇನ್ಯಾವುದೋ ಎತ್ತರಕ್ಕೆ ಹೋಗಿ ಮುಟ್ಟಿದೆ. ಆದರೆ, ೨೦೦೪ ರಲ್ಲಿಯೇ ಇಂತಹ ಸಮಸ್ಯೆಗಳನ್ನೆಲ್ಲಾ ನೋಡಿ, ಇಲ್ಲೇನೋ ಕಳೆದಂತಿದೆಯಲ್ಲ ಎಂದು ಅರಿತು, ಜನರಿಗೆ ಇಂಟರ್ನೆಟ್ ನಲ್ಲೇ ಸಮೃದ್ದ ಬದುಕು ಬೇಕಾದಲ್ಲಿ ಅದನ್ನು ಬಳಸಲು ಬೇಕಿರುವ ತಂತ್ರಾಂಶ, ತಂತ್ರಜ್ಞಾನಗಳನ್ನು ಅವರೇ, ತಮ್ಮ ಅವಶ್ಯಕತೆಗೆ ತಕ್ಕಂತೆ ಸೃಷ್ಟಿಸಿ, ಬೆಳಸಿ ಬಳಸ ಬೇಕಾದ ಅವಶ್ಯಕತೆಯನ್ನು ಫೈರ್ಫಾಕ್ಸ್ ಕಂಡುಕೊಂಡಿತ್ತು. ಎಲ್ಲರಿಗಾಗಿ, ಎಲ್ಲರಿಂದ ಸ್ವತಂತ್ರ ಹಾಗೂ ಮುಕ್ತ ತಂತ್ರಾಂಶದ ಒಂದು ಬಹು ಅಮೂಲ್ಯ ಕೊಡುಗೆಯಾಗಿ ಹೊರ ಬಂದ ಫೈರ್ಫಾಕ್ಸ್ ಬ್ರೌಸರ್, ಹೊಸದಾದ ಸಮೃದ್ದ ಅನ್ಲೈನ್ ಜಗತ್ತನ್ನೇ ನಮ್ಮ ಮುಂದಿಟ್ಟಿದೆ ಎನ್ನಬಹುದು. ಇಂದು ಫೈರ್ಫಾಕ್ಸ್ ಗೆ ೫ ವರ್ಷ. ಸಮುದಾಯವೊಂದು ಈ ತಂತ್ರಾಂಶವನ್ನು ಅದೆಷ್ಟು ಪ್ರೌಡನನ್ನಾಗಿಸಿದೆ ಎಂದರೆ, ಖಾಸಗಿ ಸಂಸ್ಥೆಗಳು ಮಿಲಿಯನ್ ಗಟ್ಟಲೆ ಹಣ ಸುರಿದು ತಯಾರಿಸಿ ಮಾರುಕಟ್ಟೆಗಿಳಿಸಿದ ಬ್ರೌಸರ್ ಗಳೂ ಕೂಡ ಇಂತಹ ಯೋಜನೆಗಳಿಂದ ನಿದ್ದೆಗೆಟ್ಟು ತಮ್ಮಲ್ಲಿರುವ ನ್ಯೂನ್ಯತೆಗಳನ್ನು ಬೇಗ ಬೇಗ ನಿವಾರಿಸಲು ಹಗಲು ರಾತ್ರಿ ಶ್ರಮಿಸುತ್ತಿವೆ.

ನಿಮಗಿದು ಗೊತ್ತೇ?:- ಫೈರ್ಫಾಕ್ಸ್ ಬಳಸುತ್ತಿರುವ ನೀವೂ ಕೂಡ ಈ ಸಮುದಾಯದ ಒಂದು ಕೊಂಡಿ… ನಿವೂ ಕೂಡ ಈ ಯಶಸ್ಸಿಗೆ ಕಾರಣಕರ್ತರು.

ನಿಮ್ಮ ದಿನನಿತ್ಯದ ವ್ಯವಹಾರಗಳಿಗೆ ಸುರಕ್ಷಿತ ವೆಬ್ ಬ್ರೌಸರ್ ಕೊಟ್ಟ ಫೈರ್ಫಾಕ್ಸ್ ಯೋಜನೆಗೆ ಶುಭಾಶಯ ಹೇಳ್ತೀರಲ್ವಾ?

ಅಪ್ಡೇಟ್ ಮಾಡುವುದಕ್ಕಿಂತ ಮುಂಚೆ

• ನೀವು ಉಬುಂಟು ೯.೦೪ ಅನ್ನು ನೇರವಾಗಿ ೯.೧೦ ಆವೃತ್ತಿಗೆ ಅಪ್ಗ್ರೇಡ್ ಮಾಡಬಹುದು.
• ಅಪ್ಗ್ರೇಡ್ ಮಾಡುವುದಕ್ಕಿಂತ ಮುಂಚೆ ೯.೦೪ ಗೆ ಸಂಭಂದಿಸಿದ ಎಲ್ಲ ಅಪ್ಡೇಟ್ ಗಳನ್ನು ನಿಮ್ಮ ಕಂಪ್ಯೂಟರ್ ಹೊಂದಿದೆ ಎನ್ನುವುದನ್ನು ನೋಡಿಕೊಳ್ಳಬೇಕು.
• ಹಾಗೆಯೇ, ಉಬುಂಟು ೯.೧೦ ಯ [ರಿಲೀಸ್ ನೋಟ್ಸ್] ಅಂದ್ರೆ ೯.೧೦ ದ ಟಿಪ್ಪಣಿ ಓದಿಕೊಳ್ಳುವುದು ಮುಖ್ಯ. ಈ ಟಿಪ್ಪಣಿ, ೯.೧೦ ನಲ್ಲಿರ ಬಹುದಾಗ ಸಾಮಾನ್ಯವಾಗಿ ಕಂಡು ಬಂದಿರುವ ತೊಂದರೆಗಳು ಮತ್ತು ಅದನ್ನು ಹೇಗೆ ಸರಿಪಡಿಸಬಹುದು ಎಂಬುದರ ಬಗ್ಗೆ ಮಾಹಿತಿ ಹೊಂದಿರುತ್ತದೆ.

೯.೦೪ ಗಿಂತ ಹಳೆಯ ಆವೃತ್ತಿ ಹೊಂದಿದ್ದರೆ, [ಅಪ್ಗ್ರೇಡ್ ನೋಟ್ಸ್ ]ಓದಿ, ಅಂತಹ ಆವೃತ್ತಿಗಳನ್ನು ಅಪ್ಡೇಟ್ ಮಾಡುವುದು ಹೇಗೆ ಎಂದು ತಿಳಿಯಿರಿ.

ಉಬುಂಟು ಡೆಸ್ಕ್ ಟಾಪ್ ಗಳನ್ನು ನೆಟ್ವರ್ಕ್ ಮೂಲಕ ಅಪ್ಗ್ರೇಡ್ ಮಾಡುವುದು (ಶಿಫಾರಸ್ಸು ಮಾಡಲಾದ ಮಾರ್ಗ)
ನೆಟ್ವರ್ಕ್ ಮೂಲಕ ಉಬುಂಟು ಅಪ್ಗ್ರೇಡ್ ಮಾಡುವುದನ್ನು ಈ ಹಂತಗಳಿಂದ ತಿಳಿಯುತ್ತೀರಿ.

• System/Administration/Update Manager ಶುರು ಮಾಡಿ.
• Check ಬಟನ್ ಪ್ರೆಸ್ ಮಾಡಿ ಅಪ್ಡೇಟ್ ಗಳಿವೆ ನೋಡಿ.
• ಯಾವುದಾದರೂ ಅಪ್ಡೇಟ್ ಗಳಿದ್ದರೆ, ಅವನ್ನು Install Updates ಬಟನ್ ಪ್ರೆಸ್ ಮಾಡಿ, ಇನ್ಸ್ಟಾಲ್ ಮಾಡಿ. ಇದಾದ ನಂತರ Check ಬಟನ್ ಮತ್ತೊಮ್ಮೆ ಪ್ರೆಸ್ ಮಾಡಿ.
• ಹೊಸ ಆವೃತ್ತಿ ಇದ್ದರೆ ಅದರ ಬಗೆಗಿನ ಸಂದೇಶ ನಿಮಗೆ ಕಾಣಸಿಗುತ್ತದೆ.

• Upgrade ಮೇಲೆ ಕ್ಲಿಕ್ ಮಾಡಿ.

• ನಿಮ್ಮ ಸ್ಕ್ರೀನ್ ಮೇಲೆ ಕಂಡು ಬರುವ ಸಂದೇಶಗಳನ್ನು ಪಾಲಿಸಿ.

ಬದಲಿ ಸಿ.ಡಿ/ಡಿ.ವಿ.ಡಿ ಮೂಲಕ ಅಪ್ಗ್ರೇಡ್ ಮಾಡುವುದು ಹೇಗೆ?
ನಿಮ್ಮ ಸಿಸ್ಟಂ ಇಂಟರ್ನೆಟ್ ಗೆ ಕನೆಕ್ಟ್ ಆಗಿಲ್ಲದಿದ್ದರೆ, ನೀವು ಈ ವಿಧಾನದ ಮೂಲಕ ಉಬುಂಟು ಅಪ್ಗ್ರೇಡ್ ಮಾಡಿಕೊಳ್ಳಬಹುದು.

• ಬದಲಿ ಇನ್ಸ್ಟಾಲೇಷನ್ ಸಿ.ಡಿ ಡೌನ್ಲೋಡ್ ಮಾಡಿಕೊಳ್ಳಿ
• ಡೌನ್ಲೋಡ್ ಮಾಡಿಕೊಂಡ ಐ.ಎಸ್.ಓ ಫೈಲ್ ಅನ್ನು ಸಿ.ಡಿಗೆ ಬರೆದು ಕೊಂಡ ನಂತರ ಅದನ್ನು ಅಪ್ಗ್ರೇಡ್ ಮಾಡಬೇಕಿರುವ ಕಂಪ್ಯೂಟರ್ ನ ಸಿ.ಡಿ ರೊಮ್ ಗೆ ಹಾಕಿ.
  • ಅಪ್ಗ್ರೇಡ್ ಮಾಡುವ ಕಂಪ್ಯೂಟರ್ ನಲ್ಲೇ ಡೌನ್ಲೋಡ್ ಮಾಡಿಕೊಂಡ ಐ.ಎಸ್.ಓ ಫೈಲ್ ಇದ್ದರೆ, ಕೆಳಗಿನ ಕಮ್ಯಾಂಡ್ ಬಳಸಿ ಉಬುಂಟು ಅಪ್ಗ್ರೇಡ್ ಮಾಡಿಕೊಳ್ಳ ಬಹುದಾದ್ದರಿಂದ ನೀವು ಒಂದು ಸಿ.ಡಿ ಕೂಡ ಉಳಿಸಬಹುದು:

sudo mount -o loop ~/Desktop/ubuntu-9.10-alternate-i386.iso /media/cdrom0

• ನಿಮ್ಮ ಎದುರಿಗೊಂದು ಮೆಸೇಜ್ ಬಾಕ್ಸ ಬಂದು ನಿಮ್ಮ ಕಂಪ್ಯೂಟರಿನಲ್ಲಿರುವ ತಂತ್ರಾಂಶವನ್ನು ಅಪ್ಗ್ರೇಡ್ ಮಾಡುವ ಆಯ್ಕೆಯನ್ನು ನೀಡುತ್ತದೆ.

• ನಿಮ್ಮ ಸ್ಕ್ರೀನ್ ಮೇಲೆ ಕಂಡು ಬರುವ ಸಂದೇಶಗಳನ್ನು ಪಾಲಿಸಿ.

ನಿಮಗೆ ಮೇಲೆ ತೋರಿಸಿರುವ ಮೆಸೇಜ್ ಬಾಕ್ಸ್ ಕಾಣದಿದ್ದಲ್ಲಿ, Alt+F2 ಕಮ್ಯಾಂಡ್ ಬಳಸಿದ ನಂತರ ಕೆಳಗೆ ಕೊಟ್ಟಿರುವ ಕಮ್ಯಾಂಡನ್ನು ನಿಮ್ಮ ಮುಂದೆ ಬರುವ ಮೆಸೇಜ್ ಬಾಕ್ಸ ನಲ್ಲಿ ರನ್ ಮಾಡಿ.
gksu "sh /cdrom/cdromupgrade"

ಗೂಗಲ್ ಸರ್ಚ್ ನ ವಾಯ್ಸ್ ಆವೃತ್ತಿ ಇಂಗ್ಲಿಷ್ ಮಾತನಾಡುವವರ ಪ್ರಪಂಚವನ್ನೆಲ್ಲಾ ಸುತ್ತಿ ಎಲ್ಲರ ಮಾತನಾಡುವ ಪರಿಯನ್ನು ಅರಿತು, ಬೆಳೆದು ನಿಂತಿದೆ. ಅಮೇರಿಕಾ, ಯುನೈಟೆಡ್ ಕಿಂಗ್ಡಮ್, ಆಸ್ಟ್ರೇಲಿಯಾ, ಭಾರತ ಹೀಗೆ ಹಲವು ದೇಶಗಳಲ್ಲಿ ಮಾತನಾಡುವ ಇಂಗ್ಲೀಷ್ ಅಸ್ಸೆಂಟ್ ಅನ್ನು ಇದು ಅರ್ಥ ಮಾಡಿಕೊಳ್ಳಬಲ್ಲದು. ಈಗ ಹೊಸ ಸುದ್ದಿ ಹೊರ ಬಿದ್ದಿದೆ. ನೋಕಿಯಾ ಎಸ್ ೬೦ ಮೊಬೈಲ್ ಗೂಗಲ್ ವಾಯ್ಸ್ ಸರ್ಚ್ ಹೊಂದಿದ್ದು, ಮ್ಯಾಂಡ್ರಿನ್ ಚೈನೀಸ್ ಅರ್ಥ ಮಾಡಿಕೊಳ್ಳುತ್ತದಂತೆ. ಗೂಗಲ್ ಬ್ಲಾಗ್ ಈ ವಿಷಯವನ್ನು ಹೊರಹಾಕಿದೆ.

ನೋಕಿಯಾದ ಎಸ್ ೬೦ ಫೋನ್ಗಳು ವಿಶ್ವದಾದ್ಯಂತ ಅತ್ಯಂತ ಪ್ರಸಿದ್ದಿ ಪಡೆದಿವೆ.  ನೀವೇನಾದರೂ ನೋಕಿಯಾ ಎನ್-ಸೀರೀಸ್ ಅಥವಾ ಇ-ಸೀರೀಸ್ ಫೋನ್ ಬಳಸುತ್ತಿದ್ದರೆ, ನೀವೂ ಕೂಡ ಎಸ್-೬೦ ಬಳಸುತ್ತೀರಿ ಎಂದರ್ಥ. ೧೨ ಗುಂಡಿಗಳ ಕೀ-ಪ್ಯಾಡ್ ಹೊಂದಿರುವ ಈ ಫೋನ್ ಗಳು ಕಾಲ್ ಮಾಡ್ಲಿಕ್ಕೆ ಸಮರ್ಥ ಆದ್ರೆ ಟೈಪ್ ಮಾಡ್ಲಿಕ್ಕೆ ಸ್ವಲ್ಪ ಕಷ್ಟ ಅಂತ್ಲೇ ಹೇಳಬಹುದು. ಅದರಿಂದಲೇ ಗ್ರಾಹಕರ ಆಗ್ರಹದ ಮೇರೆಗೆ ಗೂಗಲ್ ಸರ್ಚ್ ಅನ್ನು ವಾಯ್ಸ್ ಅಂದ್ರೆ ಧ್ವನಿಯ ಮೂಲಕ ಕೆಲಸ ಮಾಡುವಂತೆ ಮಾಡ್ಲಿಕ್ಕೆ ಆ ಒಂದು ಹೊಸ ತಂತ್ರಾಂಶವನ್ನು ತನ್ನ ಫೋನ್ ನಲ್ಲಿ ಅಳವಡಿಸಲು ನೋಕಿಯಾ ಶ್ರಮಪಡುತ್ತಿದೆ.

ಹೊಸ ಗೂಗಲ್ ಮೊಬೈಲ್ ತಂತ್ರಾಂಶ ನಿಮ್ಮ ಮೊಬೈಲ್ ಮುಖ ಮುಟದಲ್ಲಿ ಗೂಗಲ್ ಸರ್ಚ್ ನ ಗುಂಡಿಯೊಂದನ್ನು ಸೇರಿಸುತ್ತದೆ. ನಿಮ್ಮ ಸರ್ಚ್ ಪದವನ್ನು ಟೈಪ್ ಮಾಡದೆ, ಧ್ವನಿಯ ಮೂಲಕವೇ ಗ್ರಹಿಸಿ ಅದನ್ನು ಸರ್ಚ್ ಮಾಡುವುದು ಇಂದು ಸಾಧ್ಯವಿದೆ. ಮಸಾಲೆ ದೋಸೆ, ಬೆಂಗಳೂರು ಇತ್ಯಾದಿ ಸರ್ಚ್ ಮಾಡ್ಲಿಕ್ಕೆ ಸಾಧ್ಯ.. ಇದರೊಂದಿಗೆ ನೀವು ಇರುವ ಪ್ರದೇಶದ ಸುತ್ತಮುತ್ತಲಿನಲ್ಲಿ ಸರ್ಚ್ ಮಾಡಿದ ವಸ್ತುಗಳು ಅಥವಾ ವಿಳಾಸ ಹತ್ತಿರದಲ್ಲಿ ಸಿಗುತ್ತದೆಯೇ ಎಂಬ ವಿಷಯ ಕೂಡ ಸರ್ಚ್ ಫಲಿತಾಂಶದಲ್ಲಿ ದೊರೆಯುತ್ತದೆ. ಇದಕ್ಕೆ ಮತ್ತೆ ನಿವು ಬ್ರೌಸರ್ ತೆರೆಯ ಬೇಕಿಲ್ಲವಾದ್ದರಿಂದ ತುಂಬಾ ಸುಲಭವಾಗಿ ಉಪಯೋಗಕ್ಕೆ ಬರುತ್ತದೆ.

ನೋಕಿಯಾ ಗೂಗಲ್ ಸರ್ಚ್ ಅನ್ನು ಬಳಸುತ್ತಿರುವ ಈ ವಿಡಿಯೋ ನೋಡಿ:-

ಮ್ಯಾಂಡ್ರಿನ್ ಚೈನೀಸ್ ಭಾಷೆಗೆ ಗೂಗಲ್ ಸರ್ಚ್ ಕೆಲಸ ಮಾಡುವಂತೆ ಮಾಡಿರುವ ನೋಕಿಯಾ ಎಂಜಿನಿಯರ್ ಗಳ ಕೆಲಸ, ತಂತ್ರಜ್ಞಾನದ ಮಟ್ಟಿಗೆ ಅವರ ಮುಂದಿದ್ದ ಪ್ರಶ್ನೆಗಳು ಇತ್ಯಾದಿಯನ್ನು ಗೂಗಲ್ ಬ್ಲಾಗ್ ನ ಈ ಕೊಂಡಿಯಲ್ಲಿ  ಓದಬಹುದು.

ಲಿನಕ್ಸಾಯಣ - ಕನ್ನಡಿಗನಿಗೊಂದು ಸುಂದರ ಗ್ನು/ಲಿನಕ್ಸ್ ಕೈಪಿಡಿ

ಕನ್ನಡ ರಾಜ್ಯೋತ್ಸವದ ಈ ಸುಸಂದರ್ಭದಲ್ಲಿ, ಕನ್ನಡಿಗನಿಗೊಂದು ಸಣ್ಣ ಉಡುಗೊರೆ… ಲಿನಕ್ಸಾಯಣ

ತಂತ್ರಜ್ಞಾನ ಎಲ್ಲರಿಗೆ ತಲುಪುವಂತಾಗಬೇಕು,ಭಾಷೆ ತೊಡಕಾಗಬಾರದು, ದಿನ ನಿತ್ಯದ ಭಾಷೆಯಲ್ಲೇ ಅನೇಕ ವಿಷಯಗಳನ್ನು ನಮ್ಮ ಸುತ್ತಲಿನವರಿಗೆ ತಿಳಿಸಿಕೊಡಲಿಕ್ಕೆ ಸಾಧ್ಯ ಎಂದೆನಿಸಿ ನಾನು ಬರೆಯಲು ಪ್ರಾರಂಭಿಸಿದ್ದ ಗ್ನು/ಲಿನಕ್ಸ್ ಲೇಖನಗಳ ಸರಣಿ “ಲಿನಕ್ಸಾಯಣ” ನಿಮ್ಮಲ್ಲನೇಕರಿಗೆ ಈಗಾಗಲೇ ಪರಿಚಿತ. ಈ ಲೇಖನಗಳು ಈಗ ಸುಲಭವಾಗಿ ನಿಮಗೆಲ್ಲರಿಗೆ ಅದರದ್ದೇ ಅಂತರ್ಜಾಲ ತಾಣ (http://linuxaayana.net) ನಲ್ಲಿ ಲಭ್ಯವಾಗಲಿದೆ.

ಆಟಕ್ಕೆ ಫಲವೇನು? ಕೌತುಕದ ರುಚಿಯೆ ಫಲ|
ಚೀಟಿ ತಾಂ ಬೀಳೆನೆನಲ್ ಆಟ ಸಾಗುವುದೆ?||
ಏಟಾಯ್ತೆ ಗೆಲುವಾಯ್ತೆಯೆಂದು ಕೇಳುವುದೇನು?|
ಆಟದೋಟವೆ ಲಾಭ – ಮಂಕುತಿಮ್ಮ||

ಗ್ನು/ಲಿನಕ್ಸ್ ಕಬ್ಬಿಣದ ಕಡಲೆಯಲ್ಲ, ನಿಮ್ಮ ಕೌತುಕದ ದೃಷ್ಟಿ ಅದರೆಡೆಗೆ ಹರಿದು, ನೀವು ಅದರಲ್ಲಿ ಸ್ವಲ್ಪ ಆಟ ಆಡಿದ್ದೇ ಆದಲ್ಲಿ ಹೊಸ ತಂತ್ರಾಂಶಗಳ, ತಂತ್ರಜ್ಞಾನಗಳನ್ನು ತಿಳಿದುಕೊಳ್ಳಲು ಸಹಾಯವಾಗಲಿದೆ.

ಇದುವರೆಗೆ ಲೇಖನಗಳನ್ನು ಓದಿ, ಚರ್ಚಿಸಿ, ಅವುಗಳ ಸುತ್ತ ಮುತ್ತ ಹರಿದ ಪ್ರಶ್ನೆಗಳನ್ನು ಕಳಿಸಿಕೊಡುತ್ತಾ, ತಪ್ಪಿದಲ್ಲಿ ನನ್ನನ್ನು ತಿದ್ದುತ್ತಾ ಬಂದಿದ್ದೀರಿ. ಇನ್ಮುಂದೆಯೂ ಲಿನಕ್ಸಾಯಣದಲ್ಲಿ ಬರುವ ಲೇಖಗಳಿಗೂ, ಸುತ್ತಮುತ್ತಲಿನ ಕಾರ್ಯಚಟುವಟಿಕೆಗಳಿಗೂ ನಿಮ್ಮ ಬೆಂಬಲವಿರಲಿ ಎಂದು ಕೇಳಿಕೊಳ್ಳುತ್ತ.

ವಿ.ಸೂ:- ನಿಮಗೂ ನನ್ನ ಈ ಒಂದು ಕಾರ್ಯದಲ್ಲಿ ಸಹಾಯ ಹಸ್ತ ಚಾಚಬಹುದು ಎಂದೆನಿಸಿದಲ್ಲಿ ಖಂಡಿತ ನನಗೊಂದು ಮೈಲಾಯಿಸಿ.

It is time for me to organize my ” LinuxaayaNa |( ಲಿನಕ್ಸಾಯಣ )” project-  a series of articles on Gnu/Linux in Kannada for kannadiga’s here in Karnataka.  Through this project I’m trying to help people understand technology in simple words and in turn trying to bridge the digital gap as much as possible.

I am in process of  compiling and reviewing the articles to make them better.  Mean while I continue to write lot more new articles on  Gnu/Linux and Free Software.

I’m looking for some help on beautifying the logo for this project. I just tried creating one few minutes back and I have added it here for your reference. See if you can come out with something better for me.

Hey, sure If I like your logo I shall treat you for that promise!

Condition:- Please use Free Software

If you have already gone through my LinuxaayaNa articles, please don’t forget to leave a feedback/suggestions etc. They are very much valuable.

Link to the project: It’s on my sampada.net blog. Link will be made available as soon as the website becomes accessible.

I’m also putting up a small archive on http://linuxaayana.net shortly.

About Kannada: (From Wikipedia): Kannada (ಕನ್ನಡ ) is one of the major Dravidian languages of India, spoken predominantly in the state of Karnataka. Kannada, whose native speakers are called Kannadigas (ಕನ್ನಡಿಗರು Kannadigaru), number roughly 38 million,^[1] making it the 27th most spoken language in the world.^[3] It is one of the official languages of India and the official and administrative language of the state of Karnataka.^[5]

Till this afternoon, it was really hard to read prajavani.net content as character encoding was in ASCII. At last Prajavani decided to move to Unicode character encoding standard to reach out more readers.

Now, its easy for any one to read this Kannada news paper bringing in more hits to the site. On top of it, news papers contents will now be searchable in Google and other search engines in unicode.  Officially Unicode version of Prajavani will be released on Monday.. As of now you could see that many website links are still broken or they are under construction.  Thanks to Prajavani technical team for this wonderful task.

Wondering what is Unicode?

What is Unicode?

Unicode provides a unique number for every character,
no matter what the platform,
no matter what the program,
no matter what the language.

You can find more information about Unicode here.

After reading it all, I still wonder why ASCII character encoding is still being used by Government Of Karnataka for e-governance and other Kannada websites?

ಗೂಗಲ್ ಕ್ರೊಮ್ ಓ.ಎಸ್ ನ ರೂಪವೈಶಿಷ್ಟ್ಯ ಗಳು:-

• ARM ಹಾಗೂ x86 ಆಧಾರಿತ ಕಂಪ್ಯೂಟರ್ ಗಳ ಮೇಲೆ ಕೆಲಸ ಮಾಡುತ್ತದೆ ಹಾಗೂ ಮುಖ್ಯವಾಗಿ ಇದನ್ನು ನೆಟ್ ಬುಕ್ ಗಳಿಗೆಂದೇ ಅಭಿವೃದ್ದಿಪಡಿಸಲಾಗುತ್ತದೆ.
• ಹೊಸದೊಂದು ವಿಂಡೋಯಿಂಗ್ ಸಿಸ್ಟಂ ಅನ್ನು ಲಿನಕ್ಸ್ ಕರ್ನೆಲ್ ಮೇಲೆ  ರನ್ ಮಾಡುವ ಪ್ರಯತ್ನದಲ್ಲಿದೆ ಈ ಕ್ರೊಮ್ ಆರ್ಕಿಟೆಕ್ಚರ್
• ಕ್ರೊಮ್ ಒ.ಎಸ್ ಗೆ  ಅಭಿವೃದ್ದಿ ಪಡಿಸಲಾದ ಅಪ್ಲಿಕೇಶನ್ ಗಳು ಗೂಗಲ್ ಕ್ರೊಮ್ ಓ.ಎಸ್ ಮೇಲೆ ಕೆಲಸ ಮಾಡುವುದಲ್ಲದೆ, ವಿಂಡೋಸ್, ಮ್ಯಾಕ್ ಹಾಗೂ ಲಿನಕ್ಸ್ ನ ಯಾವುದೇ ಸ್ಟಾಂಡರ್ಡ್ ಬ್ರೌಸರ್ ಮೇಲೂ ಕೆಲಸ ಕೆಲಸ ಮಾಡಬಲ್ಲವು.
• ಕೆಲವೇ ಸೆಕೆಂಡುಗಳಲ್ಲಿ ನಿಮ್ಮ ಕಂಪ್ಯೂಟರ್ ಅನ್ನು ಬೂಟ್ ಮಾಡಿ ನಿಮ್ಮನ್ನು ಇಂಟರ್ನೆಟ್ ನೊಂದಿಗೆ ಸಂಪರ್ಕಿಸಲು ಅಣಿಮಾಡುವಂತೆ ಇದನ್ನು ಡಿಸೈನ್ ಮಾಡಲಾಗುತ್ತಿದೆ.
• ವೈರಸ್ ಮತ್ತು ಮಾಲ್ವೇರ್ ಗಳ ತಲೆನೋವು ಇರದಂತೆ ಅಭಿವೃದ್ದಿ ಪಡಿಸಲಾಗುತ್ತದೆ.
• ೨೦೧೦ ರ ವರೆಗೆ ಇದು ಬಳಕೆದಾರನ ನೆಟ್ ಬುಕ್ ಗಳಲ್ಲಿ ಕಾಣಿಸಿಕೊಳ್ಳುವುದಿಲ್ಲ.

ಮುಂದೆ ಓದಿ

- ಅದಕ್ಕೆ ಇಲ್ಲೊಂದು ಚಿಕ್ಕ ಅಪ್ಡೇಟ್:-

ನೋ-ಸ್ಕ್ರಿಪ್ಟ್ ಪ್ಲಗಿನ್ ಬಳಸಿ – ನೋ-ಸ್ಕ್ರಿಪ್ಟ್ ಫೈರ್ಫಾಕ್ಸ್ ನ ಒಂದು ಆಡ್-ಆನ್ ತಂತ್ರಾಂಶ ಅಂತಂದ್ರೆ, ಫೈರ್ಫಾಕ್ಸ್ ಇನ್ಸ್ಟಾಲ್ ಆದ ನಂತರ ನಾವು ಐಚ್ಚಿಕವಾಗಿ ಇನ್ಸ್ಟಾಲ್ ಮಾಡಬಹುದಾದ ತಂತ್ರಾಂಶ. 

- ನಾವು ಸಾಮಾನ್ಯವಾಗಿ ಬಳಸುವ ಅನೇಕ ವೆಬ್ಸೈಟ್ ಗಳು, ಮತ್ತೆ ಹತ್ತು ಹಲವಾರು ವೆಬ್ಸೈಟ್ ಗಳನ್ನು ತಮ್ಮ ಮೂಲಕ ಸಂಪರ್ಕಿಸಿ ಅನೇಕ ವಿಷಯಗಳನ್ನು ನಿಮಗೆ ತಲುಪಿಸುವ ಕೆಲಸ ಮಾಡುತವೆ. ಅದಕ್ಕೇ ಅಲ್ಲವೇ ಇಂಟರ್ನೆಟ್ ಅನ್ನೋದು, ಮತ್ತದು ಇರೋದು. ಹೀಗಿರುವಾಗ, ಕೆಲವೊಂದು ವೆಬ್ಸೈಟ್ಗಳು ಜಾಹೀರಾತುಗಳನ್ನೂ, ಕೆಲವೊಂದು ಹಾನಿಕಾರಕ ಸ್ಕ್ರಿಪ್ಟ್ (ಒಂದು ಸಣ್ಣ ಜಾವಾ/ವಿಶುಯಲ್ ಬೇಸಿಕ್ ಪ್ರೊಗ್ರಾಮ್) ಇತ್ಯಾದಿಗಳನ್ನೂ ತಮ್ಮ ವೆಬ್ ಪೇಜಿನಲ್ಲಿ ಸೇರಿಸಿಕೊಂಡಿರುತ್ತವೆ. ಇವುಗಳು ನಮಗೆ ಸಾಮಾನ್ಯವಾಗಿ ಬೇಕಿರುವುದಿಲ್ಲ ಅಥವಾ ಅವುಗಳಿಂದ ಕೆಲವೊಮ್ಮೆ ನಮ್ಮ ಕಂಪ್ಯುಟರ್ ಮಾಹಿತಿಯ ಕಳ್ಳತನವೂ ಆಗಬಹುದು. ಇಂತಹ ಸ್ಕ್ರಿಪ್ಟ್ ಮತ್ತು ಬೇರೆ ತಾಣದಿಂದ ಬರುವ ಮಾಹಿತಿಯನ್ನು ತಡೆಹಿಡಿಯಲೆಂದೇ ಇರುವ ತಂತ್ರಾಂಶ ನೋ-ಸ್ಕ್ರಿಪ್ಟ್.  ಮುಂದೆ ಓದಿ »

 ಮುಂದೆ ಓದಿ »